Хятад улс шилдэг их сургуулийн тоогоороо дэлхийд хоёрт жагсав

03-23-2016 14:49

   Дэлхийн 400 шилдэг их сургуулийн жагсаалтад Хятад улсын 88 сургууль багтжээ. Их Британийн “QS Quacquarelli Symonds” байгууллага “Global 400” хэмээх жил бүр гаргадаг дэлхийн шилдэг их, дээд сургуулиудын чансаагаа нийтэлжээ. БНХАУ шилдэг сургуулийн тоогоороо АНУ-ын дараа дэлхийд хоёрт орж байна хэмээн “Бээжин жибао” сонин мэдээлсэн байна. БНХАУ-ын хувьд энэ оны шилдгээр Чинхуагийн болон Бээжингийн их сургуулийг нэрлэжээ. Энэ хоёр сургууль олон судалгаагаар дэлхийн ТОП-10 сургуульд багтсаар ирсэн билээ. “Global 400”-гийн чансааг гаргахдаа дэлхийн шилдэг эрдэмтэд, томоохон ажил олгогчдын санал, төгсөгчдийн хийсэн эрдэм шинжилгээ, судалгааны ажлын үр дүнг харгалзан үздэг аж.